تجارب من الحياة اقرأها وتمعن في مغزاها ف فيها حكم جد عظيمة
تجارب من الحياة اقرأها و استفد من معانيها
.
" ملي ايوقف عليك شي بوليسي ونتا فكرشك العجينة ماتقولش ليه ايه الشاف و للله اشاف... ؟؟
..قوليه خويا ولا أستاذ وتصرف بعفوية عادي .. متبقاش تبحلس
.
" فاش تتفكر شيحاجة وتجيك البكية حاول ماتشوفش فالأرض ديما هز راسك .. باش تمشي منك البكية
.
" إلى تحطيتي فشي موقف محرج حاول تقلبها ظحك وخرج راسك بأقل الأضرار ..
.
" إلى كنتي معروض لشي بلاصة بعيدة عنداك تلبس شي سبرديلة جديدة ولا سباط جديد .. يقدر يتقطع
.
" إلى بغيتي تكذب بلا ماتحلف حيث غاتدخل للطرف التاني فكرة أن كلامك مشكوك فيه داكشي علاش كاتعزز هضرتك بالحلوف ديالك ..
.
" إلى سولك شيحد على شيحاجة نتا مباغيش تقولها واجهو وقوليه هادي مسألة شخصية ماعندها باش تفيدك ..
.
" بغيتي دير شيحاجة بلا ماتتردد يا إما ديرها ولا ماديرهاش ..
.
" تعلم تشكر الناس على أي خدمة قدموها ليك راه من الاداب و الا خطأتي قول سمحو ليا متكونش قليل تربية ..
.
" عجباتك شيحاجة شي صفة فشيحد قولها ليه أمام الملئ ماعجباتكش شيحاجة فشيحد قولها ليه بينك وبينو ..
.
" قد ما قدرتي نقص من النميمة و الهظرة فعباد للله فاش تلاقا بشي واحد راه مكينش غير ناس تهظرو فيهم و تنقصو عليهم دنوب ره الحسنات لي جامع غاتفرقهم عليهم.
.
" جلستي فشي قهوة ونسيتي الفلوس فالدار قول للسيرفور ايحط ليك التيلفون فالشارج وغطي القهيوة ديالك وخرج جيب الفلوس ورجع بلا ماتحرج راسك ..
.
" عساس ، بائع السجائر ، حلاق ، سائقي الطاكسيات ماتخليهمش إيجرو ليك لسانك ..
.
" ولاد الدرب والجيران نقص معاهم الهضرة حتى السلام ماتكترش منها باش ايبقى بيناتكم واحد الإحترام ..
.
" تعلم تقول لا بطريقة لبقة مثلا شي حد طلبك ليك شي حاجى متقولش لا مبغيتش قول راه بغيت نعطيها و لكن راه محتاجها ولا عندي ظروف منقدرش غا سمح ليا...
.
" فاش إيعيط ليك شيحد باش تخرج معاه تقدر ترفض إلى مكانتش راشقة ليك حيث هو حتى سالا شغلو عاد جا عندك ..
.
" كاتخاف من شيحاجة ديرها باش ماتبقاش تخاف منها ..
.
" ديما الشخص الي كايدويو عليه بالسوء إلى تقربتي منو كاتلقاه من أطيب خلق الله ..
.
" إلى خرجتي فموعد مع شيحد أول مرة بلا ماتظحك حتى تبان ليك ضرسة العقل غير إبتسامة خفيفة ماتبقاش غاكاتفرنس ..
.
" فاش تعجبك شيحاجة قريتيها ..قراها مرة أخرى غاتزيد تكتاشف حويجات جداد ..
.
"مرة مرة تلفت لداك القرآن لي عندك فدار مسحو من الغبرة و فتحو قرآه راه حشومة تكون مسلم غا بالسمية...
.
" عمرك تشعل الفاخر و تخليه بايت فالدار و تقول راه طفا / راه سبب فموت شحال من واحد ...
.
" الا شي نهار دخلتي للدار و شميتي ريحة الغاز متسرعش و تشعل ظو لان ممكن تشعل العافية فتانية وحدة اول حاجة هي حل الشراجم و هوي الدار...
.
" الا ضرب ليك وحد العرق فقلبك و جاتك بحال النغسة كح جوج كحات جبدهم من الداخل و غاتمشي ديك نغسة دغيا..
.
" فاش تلاقا مع شي قزديرة و لا شي لصقة باغا تجبد صداع متكترش معاها الهظرة غير قوليها واخا و سلت راه بحال هادوك مامعاهم هظرة و طياحين الباطل...
.
" الا بغيتي طيب اللحم و كنتي مزروب اللولا ممكن تشحرو فالمقلة بشوية الزيت هلي ستعملو كيجي فتي
اولا ديرو فالكوكوت 10دقايق و هاهو طاب...
.
"مرة مرة دخل عاون مك فالكوزينة واخا دري اشنو فيها
دي رضا قدر المستطاع راه فاش كيموتو واليديك غايمشيو دعوات لي كانو كيحميوك فحياتك من المصايب....
.
"دائما النوامر المهمين كنقول المهمين كتبهم فشي ورقة و لا شي كتاب و تككون ديما هازو معاك متعرفش الوقت شنو تجيب...
.
" ديما فيق صباح بوس لمك و باك على يديهم و متجادلهمش واخا يكونو هما غالطين نت حدر راسك و قول سمح ليا...
.
" الا واليديك ميتين او اي شخص مات عزيز عليك بغيتي ترحم عليه صدق صدقة نويها لفلان و لا قرا عليه سورة يس و هديها للروح ديالو...
.
" معمرك مدير الموسيقى فودنيك و تنعس ! مخفتيش تموت و تكون اخر حاجة تسمع هي الموسيقى؟ دير القرآن منها اجر منها رقية منها تقرب لللله اما الموسيقى شنو غاتستافد منها...
.
" فاش تبغي دير شي حاجة خليها بينك و بين راسك راه الحاجة لا تبعوها العينين مكتصدقص ليك غا كون هاني.تاااااتصدق و قولها ديك ساع برح بيها...
.
" فاش تكون غادي فزنقة متبقاش تهظر بزاف و ظحك بزاف كي الهبيل و خصووووصا الهظرة فتيليفون هظر و لي حداك ميسمعكس ميعرفكش علاش كتهظر راه صحاب الحسنات غا موجودين...
.
" الا تسدو عليك لبيبان فوجهك باب الله عمرو ميتسد فوجهك...
ايوا بالصحة و الراحة .. و نهاركم مبروك 😊
.......
كتب لينا فالتعاليق النصيحة لي عجباتك .. 💖
......
لكل عشاق المنشورات الهادفة المرجو الاشتراك فالقناة للتوصل بجديد القصص و المعلومات و النصائح 😍 شكرا لاي واحد عاونا راحنا عاد بادييين..😭
.......
https://informationsimportantesok.blogspot.com/2019/02/blog-post.html