نصائح و تجارب من الحياة جد مفيدة .. 👍👌😉
نصائح مفيدة
👌👌👌✔🔞👍👍👍
' فاش تخرج من الطاگسي ما تسد لباب حتى تدير طليلة اخيرة فين كنت جالس ، ربما تكون طاحت لك شي حاجة
- فيك القشرة فشعرك ، شري شامبوان Vichy
ثلث غسلات من اللخر و الله حبة لا بقات
- الملابس الداخلية شريها قطن ضروري ، قراها فـ تيكي 95% قطن ، راها مفايتاش 30 درهم
- شعرك طويل ماديرش جيل ، شري واكس حسن لك ، مُرهم ومرطّب و مكايديرش القشرة .
- عزيز عليك ليپارفان و جيبك على قد الحال!
قلّب فالسوق على نيتْوُورك ، ساوية 50 درهم ، راها دايرى بوووم عند الروايحيّة .
- خلي لاكارط ناسيونال اوريجين فالدار و ديرلها كوپي بلألوان و غلفها وخدم بيها ، ونهار شي كونكور خوذ الاصلية ، يشوفوها نقية حسن مايشوفو شرويطة ..
- ايلا اضطريت تخلي تلفون يتشارجا بالليل ، ديرو وسط كاسرونة دلحديد
- الله يرحم الوالدين ماتخدمش فتيليفون و ضو مطفي ، العين مامعاها زعامة
- ايلا اقتضى الحال ، جمعها ، اخّرها ، لمهم متقطعش الصلاة بمرة ، ماتقولش نهائيا ، منصليش حسن مانصلي ونقطع ..
- دير كود و مودباص واحد فاي موقع سجلت فيه ، باش عمرك تنسى عليه
- ديما سبنديرة ميطاسيو ( دُوزيام ) شريها صغيرة عليك بنمرة ، حيد ليها الفراشية و لبسها فاش توساع ولي رجع ليها لفراشية ، وبالصحة اللبسة اللاصقة
- امك ثم امك ثم امك
- زطامك دير فيه ورقة فيها نمرتك ، باش حتى الى ضاع منك وجا فـ يد ناس ملاح يسهال عليهم يتواصلو معك .
- عندك 1000 درهم ، وبغيت تحرك فالصيف ، ضبر صاحبك عندو فحالك و ديرو لاكريم .. بلاصة تلقاها ايلا بغيت واخة غ فلحومة .. راسمالك ترجعو ف 15 يوم
- كاينوضليك الحب مرة مرة ، حكّه بكينة اسبيرين ديال الراس ، دوزها علحبوية ، ورد عليا .
- او ياك تكوّن فعرس شي حد من العائلة ، وتقول مغايحس بيا حد ، مع يطلقو ديسك يعجبك ، غاتولي ضحكة .
- تقاشر ديال 3 ب 10 دراهم ، كايديرو لاگزيمة ، بقى متبع الرخى تاتجيبها فراسك
- ماجاكش نعاس كول بنانة ، بغيت تسهر كول البرتقال
- مول الضو ، مول المواد الغذائية مول الحوت ، الجزار ، و التاجر كيفما كان ، ماتخلصو حتى يعطيك السلعة فيدك ، ممكن اي حاجة تشغلو و ستنى يتفكرك ديك الساعة .
- الحوت الجديد تعرفو ايلا مكانوش عينيه حومر ببساطة
وجعك راسك كول بطاطا مسلوقة ، و غسل راسك بالبارد
البوطة غتسالي و خفت لا تبقى اونپان ، سخن لما و خوِيه عليه ، لغاز لي برد ولصق فجناب غيهبط وغاتكملك نهار ، جرب وتفكرني
حذاري تدير نظاظر كوحل سواقيين فالحرارة ، عينك مشات ضريرة ، اللون لكحل كيجبد الشمس ، وغايسيفطها لمومو لعين ديريكت
- كتنقي البصلة وعينيك كيدمعو ، غسلها قبل ، غايخفاف التأثير
-فيك الجير العصارة الهضمية كول مسكة .
صباح فاش تخرج شري مسكة كلورتس ، وحدة لوحها ففمك كتنقيه من البكتيريا العالقة ، دقيقة ورميها ، والثانية ، خليها ففمك على راحتك .
نقي عقلك من داك تخربيق ديال ايلا تخطيت فلان غايقصار ، صندالة فوق صندالة كتعني غتسافر ، متشطبش نهار لاربع ولادك غايطلعو قورع .. اطرد هاذ الخزعبلات من محيطك
ايلا قلبك زيّر عليك ، وشكيت فسكتة قلبية لاقدّر الله ، كحب مزيااان جبدها من القلب وها رپي كتبلك عمر جديد
فاش يوقفك بوليسي وعارف راسك ماداير والو ، فرض راسك وهضر بثقة ، وبعد على الفاظ فحال ; وي شاف راك غ كتزعمهم عليك .
سنسلة نقرة الى توسخات لك ، غسلها بمعجنون الاسنان
ايلا كنت كتمشى فطريق و شاف فيك كثر من واحد مكتعرفوش ، جبد تيليفون و دير كاميرا قدامية، ممكن تكون ش حاجة لاصقالك فوجهك ،
ايلا جاتك اي فرصة تهاجر هاذ لبلاد ، عندك تفكر جوج مرات قبل ما تقرر تمشي ، راك فبلاد الداخل اليها مفقود و الخارج منها مولود
كل يوم قرى القران ، واخة غ نص صفحة ، ولا ثلاث ايات مهم متكونش من الغافلين..
ادا عجبوكم هاد االنصائح البسيطة بارطاجيوهم مع الاحباب و الاصدقاء😍