نصائح مطبخية منزلية من الحياة اليومية اقرأها و لن تندم 💓💓💓

نصائح مطبخية منزلية من الحياة اليومية اقرأها و لن تندم  : 

العديد من المنشورات فاتتك دون ان تستفيد منها

علق بتم للتوصل بجديد القصص و العبر و المعلومات. 

يالاه نبداو على بركة لله :

الا كثرتي الملح فالماكلة زيدي نص بطاطة خضرة لوحيها فالطياب راه كتمص الملح


الا ثلاجتك كدير ريحة بزاف حطي فيها الفاخر فالباب و غتمشي الريحة.


الا تحرقت ليك الكيكة مل فوق و بغيتي تعدليها غاتحيدي المحروق و ترشي بلاصتو سنيدة و ترجعيه جوج دقايق للفران كترجع بحالا متحرقاتش.


الا بغيتي الخبز و لا الكيكة ولا اي نوع من المخبوزات يبقا طري و يجي مفشفش ضيفي  ليه ملعقة خل.

الا حشاك القرقارة تاهي كدير ريحة خيبة كبي فيها الماء القاطع. داير 8دراهم للتر.


باش تحافظي على الفواكه متكحالش عصري عليها ليمون.

باش تنضفي الفران ديال الضو وضعي اناء فيه الماء و عصير الحامض و قشورها خلي تا ييدا يغلي حيديه و نضفي مباشرة كتجي ساهلة.


البطاطا دائما الا قشرتيها و لكن مبغيتيش تستعمليها ديك ساع ديري فالماء ضروري حيث كتكحال ميبقا فيها ميتكل.


من الاحسن كل واحد فالدار ادواتو الخاصة بحال المشطة مقص ظفار شيتة سنان هدشي ممعاش لعب و الامراض كتنتقل دغيا.

الدري الصغير غادي معاك فزنقة مطلقش منو راه فااشانطي كيهربوو و لا فاازحام كيتلفوو.. تهز غي تيليفون ونت مشطون تلقاهم دارو مع دورة.
الللهم دير حسابك على تيساع.

الا شي واحد فيه القمل الله ينجيكم ديري الرملة فالشعر  تمشط مزيان و تغسل تايهبط كلشي او زيت الثومة كيقتل القمل حيث ريحتو قوية.

 دائما ملي تبغي تخرج طل على وجهك و حالتك فالمراية ضروري تأكد من انك حالتك نقية و زوينة و مفيكش شي حاجة دير فيك الضحك

السوارت تيليفون الشارج شويا الفلوس فوطوكوبي دلاكارت هادو لازم يكونو عندك دائما ولو غادي مسخر غا هنا.

باش ميلصقش ليك الحليب فالكاسرونة غسليها هو الاول و كبي فيها الحليب مباشرة و هي مبللة باش ملي تبغي تغسليها تجيك ساهلة.

ملي تصيب شلاضة مديرش فيها الملح حتى اخر لحضة تبغي تقدمها حيث الملح كتهبط الخضرة و تتولي دابلة.

نوامر المهمين لابد اما تحفظهم اما تكتبهم فشي مدكرة حيث كين احتمال تيليفون يطفا او الله يخفظ يتسرق.


الا عندك واليديك حيين حاول تاخد منعندهم الرضا قدر المستطاع ماااا امكن و خود بديهم رضيهم و كون معاهم فالمستوى.


الا واليديك ميتين لله يرحمهم او اي شخص عزيز عليك متوفي تصدق عليه بصدقة نويها لفلان. والا معندكش بقا تقرا عليه سورة ياسين و هديها للروح ديالو حيث كتوسع قبرو و تخفف عليه و تفرحو.


الدري الصغير البيبي معمرك تحطو فبلاصة عالية حيث مافيهمش الثقة دغيا كيطيحو. الله يحفظ


ظرووووري متحفظو وليداتكم شويا القران حيث بحال صدقة جارية.


الماكلة لي كتشيط عمرك ترميها حيث كين شحال من قط و كلب ميت بالجووع.

ديرو طويسة ديال الما فالشرج للطيور هي ووالخبز مفزك. و ديرو الما فطاسة اخرا قدام الباب لقطوط و للكلاب. هادي تاهي صدقة جارية.


الا ولدك قبيح و حركي و مكيتصنتش دعي ليه فالسجود و قول : أُعيذ أولادي بكلمات الله التامة من كل شيطان وهامة ومن كل عين لامة.
اللهم بارك لي في أولادي ووفقهم لطاعتك وارزقني برّهم.
اللهم اجعلهم لي قرة أعيُن واجعلهم للمتقين إماماً.



واقيلا كثرت نصائح نخلي لباقي لمرة اخراا.
كنتمنى من اي شخص قرا هد النصائح يكتب لينا شمن نصيحة عجباتو.

لكل عشاق المنشورات الهادفة ☝ المرجو مساعدتنا ب اشتراك للتوصل بجديد القصص و العبر و المعلومات و ايضا لتقديم محتوى هادف بارك لله فيكم.

للاحتفاظ بالمنشور او مشاركته مع الاصدقاء : 
https://informationsimportantesok.blogspot.com/2019/04/blog-post.html